[ad_1]
డాక్టర్స్ ఏమంటున్నారంటే..
కీటో డైట్ గుండె ఆరోగ్యాన్ని ఎలా ప్రభావితం చేస్తుందో డాక్టర్ టామ్ దేవాసియా, ప్రొఫెసర్ అండ్ యూనిట్ హెడ్, డిపార్ట్‌మెంట్ ఆఫ్ కార్డియాలజీ, కస్తూర్బా హాస్పిటల్, మణిపాల్ చెబుతున్నారు. ఆయన గుండె ఆరోగ్యం గురించి మాట్లాడుతూ కొన్ని విషయాల గురించి చెబుతున్నారు.
బరువు తగ్గడం..
కీటో డైట్ సాధారణంగా బరువు తగ్గిస్తుంది. ఇది గుండె జబ్బులకి సంబంధించిన అనేక ప్రమాద కారకాలను తగ్గిస్తుంది. దీని వల్ల రక్తపోటు తగ్గడం, కొలెస్ట్రాల్ స్థాయిలు తగ్గడం, రక్తంలో చక్కెర స్థాయిలు తగ్గడానికి హెల్ప్ చేస్తుంది.
ట్రైగ్లిజరైడ్స్.. కొన్ని అధ్యయనాలు కీటో డైట్ చేస్తే ట్రైగ్లిజరైడ్ స్థాయిలు తగ్గుతాయని తెలుస్తోంది. ఇది గుండె ఆరోగ్యానికి చాలా మంచిది. ట్రైగ్లిజరైడ్స్ ఎక్కువగా ఉంటే గుండెజబ్బులు వచ్చే ప్రమాదం ఉంది.
HDL కొలెస్ట్రాల్ పెరగడం ..
కీటో డైట్ అధిక సాంద్రత కలిగిన లిపోప్రోటీన్ కొలెస్ట్రాల్ స్థాయిలను పెంచుతుందని తేలింది. ఇది శరీరానికి అవసరమైన కొలెస్ట్రాల్. దీనిని మంచి కొలెస్ట్రాల్ అంటారు. అధిక HDL స్థాయిలు గుండె జబ్బుల ప్రమాదాన్ని తగ్గించడంతో సంబంధం కలిగి ఉంటాయి.
Also Read : పాలలో నీరు కలిపి తాగాలా.. కలపకుండానే తాగాలా..
గుడ్ ఫ్యాట్స్.. కీటో డైట్ గురించి ప్రాథమిక ఆందోళనలలో ఒకటి సంతృప్త కొవ్వుల అధిక వినియోగం. ఇది తక్కువ సాంద్రత కలిగిన లిపోప్రోటిన్ కొలెస్ట్రాల్ స్థాయిలను పెంచుతుంది. దీనిని చెడు కొలెస్ట్రాల్ అని అంటారు. ఎక్కువ LDL స్థాయిలు గుండె జబ్బులకి ప్రమాద కారకం.
పోషకాహార అసమతుల్యతలు : కీటో డైట్ పండ్లు, కూరగాయలు, తృణధాన్యాల వంటి కార్బోహైడ్రేట్ రిచ్ ఫుడ్స్‌ని నియంత్రిస్తుంది. ఇవి గుండె ఆరోగ్యానికి ముఖ్యమైన విటమిన్లు, ఖనిజాలు, డైటరీ ఫైబర్ మూలాలు.
సడెన్ కార్డియాక్ అరెస్ట్ అంటే ఏంటి?
ఎండోథెలియల్ ఫంక్షన్‌పై ప్రభావం..
కీటో డైట్ రక్తనాళాల ఆరోగ్యానికి సంబంధించిన ఎండోథెలియల్ పనితీరును దెబ్బతీస్తుందని కొన్ని పరిశోధనలు చెబుతున్నాయి. ఎండోథెలియల్ పనిచేయకపోడం గుండె జబ్బులకి కారణం.
పరిమిత దీర్ఘకాల పరిశోధన :
గుండె ఆరోగ్యంపై కీటో డైట్ ప్రభావాలపై అధ్యయనాలు సాపేక్షంగా జరిగాయి. తీసుకునే ఆహారం కాలక్రమేణా గుండె ఆరోగ్యాన్ని ఎలా ప్రభావితం చేస్తుందో పూర్తిగా అర్థం చేసుకోవడానికి దీర్ఘకాలిక పరిశోధన అవసరం.
Tea Disadvantages : టీ ఎక్కువగా తాగుతున్నారా.. ఈ సమస్యలొస్తాయట జాగ్రత్త..
చివరిగా..
గుండె ఆరోగ్యంపై కీటోజెనిక్ ఆహార ప్రభావాలు స్వల్పంగా ఉంటాయి. దీని వల్ల బరువు తగ్గినప్పటికీ గుండె జబ్బుల ప్రమాద కారకాలని మెరుగుపరుస్తుంది. అయినప్పటికీ, అధిక సంతృప్త కొవ్వు పదార్థం, ఆహారంలో పోషక అసమతుల్య గణనీయమైన హృదయనాళ ప్రమాదానికి సంబంధించినవి. గుండెపోటు లాంటివి రాకుండా జాగ్రత్తలు తీసుకోవడం చాలా అవసరం.
కాబట్టి, కీటో డైట్ మంచిదే అయినప్పటికీ, ఇందులో కొన్ని ఫుడ్స్‌ని అవాయిడ్ చేస్తాం. అవి గుండె ఆరోగ్యానికి మంచి చేసే ఫుడ్స్. వీటి వల్ల గుండెపై ఎఫెక్ట్ పడే అవకాశం ఉంది. కాబట్టి, డైట్ చేయాలా వద్దా అనేది మీ డైటీషియన్‌ని అడిగి తెలుసుకోవాలి. మీరు ఉన్న బరువు, మీ ఆరోగ్యాన్ని బట్టి ఎంత తీసుకోవాలి. ఎలా తీసుకోవాలనే దాని గురించి తెలుసుకోవాలి. అదే విధంగా, బరువు ఎప్పుడైనా సహజ సిద్ధంగా తగ్గాలి. అంతేకానీ, సరైన పోషకాలు లేని ఫుడ్స్ తీసుకోవడం, దీని వల్ల బరువు తగ్గాలనుకోవడం సరికాదని చెబుతున్నారు నిపుణులు.
గమనిక: నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Health News and Telugu News
[ad_2]
Source link