Lung Health : ఈ 5 ఫుడ్స్ తింటే ఊపిరితిత్తులు ఆరోగ్యంగా ఉంటాయి..

పోషకాహార నిపుణుల ప్రకారం..

ఫ్యాట్ టు స్లిమ్ అండ్ న్యూట్రిషనిస్ట్, డైటీషియన్ డైరెక్టర్ శిఖా అగర్వాల్ శర్మ కొన్ని ఫుడ్స్ గురించి చెబుతున్ని. ఇది ఊపిరితిత్తులని క్లీన్ చేసి శ్వాసక్రియని పెంచుతుంది.

వెల్లుల్లి..

వెల్లుల్లిలో అల్లిసిన్ అనే శక్తివంతమైన సమ్మేళనం ఉంటుంది. ఇది యాంటీ బయాటిక్ ఏజెంట్‌గా పనిచేస్తుంది. ఇది శ్వాసకోశ ఇన్ఫెక్షన్లని దూరం చేయడంలో సాయపడుతుంది. ఇది రద్దీ, శ్వాసలోపం నుండి ఉపశమనం పొందేలా సాయపడుతుంది. ఇది వాపు, ఊపిరితిత్తుల క్యాన్సర్ ప్రమాదాన్ని తగ్గించడంలో సాయపడుతుంది. వెల్లుల్లి ఆస్తమా రోగులకి మేలు చేస్తుంది. కాబట్టి, వంటల్లో వెల్లుల్లిని వీలైనంత ఎక్కువగా వాడడం మంచిది.

పసుపు..

సాధారణంగా పసుపుని వంటల్లో ఎక్కువగా వాడతాం. కొంతమంది పాలల్లో కలిపి కూడా తీసుకుంటారు. పసుపు శ్వాసకోశ వ్యాధుల వల్ల ఊపిరితిత్తుల్లో వాపు, శ్లేష్మాన్ని తగ్గిస్తుంది. పసుపులోని క్రియాశీల సమ్మేళనాలు సహజంగా ఊపిరితిత్తుల్ని క్లీన్ చేస్తాయి. దీని వల్ల బాడీలో పేరుకుపోయిన టాక్సిన్స్‌ని తొలగిస్తుంది.
​Also Read : Irregular Periods : పీరియడ్స్ రెగ్యులర్‌గా రావాలంటే ఇలా చేయండి..​

అల్లం..

దగ్గు, జలుబుని తగ్గించేందుకు అల్లాన్ని ఎక్కువగా వాడతాం. అల్లంలో యాంటీ ఇన్‌ఫ్లమేటరీ గుణాలు కూడా ఉన్నాయి. ఇది శ్వాసకోశ నుండి విషపదార్థాలను తొలగిస్తుంది.

అల్లంలో మెగ్నీషియం, పొటాషియం, బీటా కెరోటిన్, జింక్ వంటి విటమిన్స్, ఖనిజాలు ఎక్కువగా ఉన్నాయి. ఇవన్నీ కూడా ఊపిరితిత్తుల ఆరోగ్యాన్ని కాపాడతాయి. మీరు అల్లాన్ని నీటిలో వేసి మరిగించి తాగొచ్చు. లేదా అల్లంతో టీ చేసుకుని తాగొచ్చు.

తేనె..

దగ్గుని తగ్గించడంలో తేనెని చాలా వరకూ ఉపయోగపడుతుంది. ఇది సహజ స్వీటెనర్, దాని యాంటీ బ్యాక్టీరియల్ లక్షణాల కారణంగా శ్వాస కోశ సమస్యల్ని తగ్గించడంలో సాయపడుతుంది. ఇది వాయు మార్గాలను క్లియర్ చేయడానికి, మీ ఊపిరితిత్తుల ఆరోగ్యాన్ని కాపాడడానికి సాయపడుతుంది. అందుకోసం గోరువెచ్చని నీటిలో ఓ చెంచా తేనె కలిపి తాగొచ్చు.

గ్రీన్ టీ..

బరువు తగ్గాలనుకునేవారు గ్రీన్ టీని ఎక్కువగా ఇష్టపడతారు. దీనిని తాగడం వల్ల బరువు తగ్గడం నుంచి అనేక ఆరోగ్య ప్రయోజనాలు ఉన్నాయి. రోజుకి రెండు సార్లు గ్రీన్ టీ తాగితే ఊపిరితిత్తుల ఆరోగ్యం మెరుగ్గా ఉంటుంది.
​Also Read : Snoring : ఈ కారణాల వల్లే గురక సమస్య వస్తుంది.. తగ్గేందుకు ఏం చేయాలంటే..​

వీటితో పాటు..

మీ ఊపిరితిత్తులని క్లీన్ చేయడానికి కార్బోహైడ్రేట్స్ తక్కువగా ఉన్న ఫుడ్స్‌తో పాటు హెల్దీ ఫ్యాట్స్ ఉన్న ఫుడ్స్‌ని తీసుకోవాలి. అలాంటి ఆహారాలు తింటే ఊపిరితిత్తులు హెల్దీగా ఉంటాయి.
​గమనిక: నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
​Read More : Health News and Telugu News