Monsoon Diet : వర్షాకాలంలో ఏం తినాలి.. ఏం తినకూడదు..

డ్రింక్స్..

ఈ సమయంలో నీరు తాగడానికి ఇష్టపడరు. కానీ, కచ్చితంగా హైడ్రేట్‌గా ఉండేందుకు కొన్ని నీరు తీసుకోవాలి. అందుకోసం, నీరు మాత్రమే కాకుండా హెర్బల్ డ్రింక్స్ కూడా తీసుకోవచ్చు. వీటిని తీసుకోవడం వల్ల ఇమ్యూనిటీని పెంచుకోవచ్చు.

Also Read : Heart Attack : హార్ట్ ఎటాక్ వచ్చే ముందు కనిపించే లక్షణాలివే..

పండ్లు..

అదే విధంగా సీజనల్ ఫ్రూట్స్ తీసుకోవడం మంచిది. జామూన్, బేరి, రేగు, చెర్రీస్, పీచెస్, బొప్పాయి, దానిమ్మ వంటి సీజనల్ ఫ్రూట్స్ తీసుకోవడం మంచిది. ఇందులోని విటమిన్స్ ఎ, సి, యాంటీ ఆక్సిడెంట్స్, ఫైబర్ వంటి పోషకాలు తీసుకోవడం వల్ల జీర్ణక్రియ ఉపయోగపడుతుంది.

కూరగాయలు..

వానకాలంలో పొట్లకాయ, కాకరకాయ, బూడిద గుమ్మడికాయ, బెండకాయ, దోసకాయలు, టమాటలు, బీన్స్, బెండకాయ, ముల్లంగి వంటి కూరగాయలు తీసుకోవడం మంచిది. రెగ్యులర్ డైట్‌లో ఈ కూరగాయలను ఎక్కువగా తీసుకోవడం వల్ల జీర్ణ సమస్యలు, ఇమ్యూనిటీని పెంచుతుంది.

మసాలాలు..

పసుపు, అల్లం, వెల్లుల్లి, మిరియాలు, దాల్చిన చెక్క, యాలకులు, జాజికాయ వంటి సుగంధ ద్రవ్యాలు, మూలికలు యాంటీ ఇన్‌ఫ్లమేటరీ, యాంటీ ఫంగల్, యాంటీ వైరల్, యాంటీ మైక్రోబయల్, యాంటీ బ్యాక్టీరియల్, ఇమ్యూనిటీని పెంచే ఫుడ్స్‌ తీసుకోవచ్చు.

Also Read : Monsoon Diseases : ఈ జాగ్రత్తలు తీసుకుంటే వర్షాకాలంలో వచ్చే సమస్యలన్నీ దూరం..

నట్స్..

నట్స్ ఎక్కువగా తినాలి. ప్రోటీన్స్, హెల్దీ ఫ్యాట్స్, విటమిన్స్, ఖనిజాల వంటి యాంటీ ఆక్సిడెంట్స్‌తో నిండి ఉంటాయి. మంచి శారీరక, మానసిక ఆరోగ్యాన్ని కాపాడుకోవడానికి రెగ్యులర్‌గా వీటిని తీసుకోవాలి.

వెల్లుల్లి..

పోషకాలతో నిండి ఉన్న వెల్లుల్లి సాధారణ, ఫ్లూతో పోరాడేందుకు, ఇమ్యూనిటీని పెంచుతుంది. మీ రోజువారీ ఆహారంలో వెల్లుల్లిని మీ డైట్‌లో చేర్చుకోవడం మంచిదని అధ్యయనాలు చెబుతున్నాయి. వెల్లుల్లిలో అల్లిసిన్ అనే బయోయాక్టివ్ సమ్మేళనం ఉంటుంది. ఇది ఔషధ లక్షణాలని కలిగి ఉంటుంది. దీనిని తీసుకవడం వల్ల సమస్యలు దూరమవుతాయి.

ఆరోగ్యాన్ని పెంచే ఫుడ్స్ ఏంటంటే..

పసుపు..

పసుపు కూడా యాంటీ వైరల్, యాంటీ ఫంగల్, యాంటీ బ్యాక్టీరియల్, యాంటీ మైక్రోబయల్, యాంటీ ఇన్‌ఫ్లమేటరీ గుణాలు ఇమ్యూనిటీని పెంచుతాయి. దీని వల్ల ఇన్ఫెక్షన్లతో పోరాడతాయి. ఇందుకోసం పాలల్లో పసుపు కలిపి తీసుకోవచ్చు.

ప్రో బయోటిక్స్..

పెరుగు, మజ్జిగ, ఊరగాయ వంటి పులియబెట్టిన ఫుడ్స్ ప్రోబయోటిక్స్ సోర్స్. వీటిని తీసుకోవడం వల్ల గట్ ఫ్లోరా హెల్దీ ఉంచుతుంది. ప్రోబయోటిక్స్ మంచి బ్యాక్టీరియా. ఇవి వ్యాధిని కలిగించే వ్యాధికారకాలను, ఇతర హానికరమైన బ్యాక్టీరియాను వ్యవస్థ నుండి నిరోధించడంలో సాయపడతాయి.

నిమ్మకాయ..

విటమిన్ సిగొప్ప మూలమైన నిమ్మకాయలు కూడా మన్‌సూన్ డైట్‌లో ఉండాలి. వీటిని తీసుకోవడం వల్ల ఇన్ఫెక్షన్లు దూరమవుతాయి. మీ ఆహారంలో నిమ్మరసంని చేర్చుకోవడం వల్ల రుచి పెరగడమే కాకుండా ఆరోగ్యానికి మంచిది. ఓ గ్లాసు నిమ్మరసం తాగాలి. ఈ సిట్రస్ ఫ్రూట్స్ ఆరోగ్యాన్ని కాపాడుతుంది.

ఏం తినకూడదంటే..

కొన్ని ఆహారపు అలవాట్లకి దూరంగా ఉండడం మంచిది వర్షకాలంలో. అవేంటంటే..

బయట తినడం..

రెస్టారెంట్స్, స్ట్రీట్ ఫుడ్ స్టాల్స్‌లో తినడం మానేయండి. ఎందుకంటే ఇలాంటి చోట ఆహారం కలుషితమయ్యే అవకాశం ఉంటుంది. అలాంటి ఆహారం ఇన్ఫెక్షన్లని పెంచుతుంది.

ఫ్రైడ్ ఫుడ్స్..

ఈ సీజన్‌లో ఆయిలీ ఫుడ్స్ తీసుకోవడం తగ్గించండి. ఎందుకంటే వీటి వల్ల అజీర్ణం, ఉబ్బరం, విరోచనాలు, ఇతర సమస్యలు పెరుగుతాయి. ఒకసారి వాడిన నూనెని మరోసారి వాడకుండా చూడండి.

కూరగాయల్ని కడగడం..

ఈ సీజన్లో ఉష్ణోగ్రత, తేమ కారణంగా బ్యాక్టీరియా పెరుగుతుంది. ముఖ్యంగా, ఆకుకూరలపై. కాబట్టి, తినడానికి ముందు కూరగాయల్ని బాగా కడగడం, ఎక్కువ వేడిపై ఉడికించడం చాలా ముఖ్యం.

సీఫుడ్..

ఈ సీజన్‌లో నీరు కలుషితంగా మారుతుంది. కాబట్టి, చేపల వంటి సీఫుడ్‌ని తక్కువగా తినాలి. దీని వల్ల అంటువ్యాధులు పెరుగుతాయి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Health News and Telugu News