[ad_1]
కవాసకి..
కవాసకి.. ఇదొక అరుదైన గుండె సమస్య. కరోనరీ ధమనుల వాపు కారణంగా ఇది సంభవిస్తుంది. ఇది ఎక్కువగా పిల్లలలో కనిపిస్తుంది. ఈ సమస్య ఉంటే.. తీవ్రమైన జ్వరం, చేతులు వాయడం, కళ్లు ఎర్రబడటం, చర్మం పొట్టు రాలడం వంటి లక్షణాలు కనిపిస్తుంటాయి. ఈ సమస్యలో శోషరస కణుపులు ఉబ్బుతాయి. దీనిని మ్యూకోక్యుటేనియస్ లింఫ్ నోడ్ సిండ్రోమ్ అని కూడా పిలుస్తారు.
Health Care:కెరోటినాయిడ్స్ రిచ్‌ డైట్‌తో.. మీ మెదడు చురుగ్గా పనిచేస్తుంది..!
ST-ఎలివేషన్ మయోకార్డియల్ ఇన్ఫార్క్షన్ (STEMI)..
ఇది మరొక రకమైన గుండె సమస్య, ఇది చాలా అరుదుగా కనిపించే సమస్య. ST-ఎలివేషన్ మయోకార్డియల్ ఇన్ఫార్క్షన్ కేసులు మహిళల్లో మాత్రమే కనిపిస్తాయి. STEMIలో, మేజ్ కరోనరీ ఆర్టరీ పూర్తిగా బ్లాక్‌ అవుతుంది. దిన్ని గుండెపోటుకు సంబంధించిన.. అత్యంత సాధారణమైన రకాలలో ఒకటిగా కూడా చెబుతారు. బ్రిటీష్ కార్డియోవాస్కులర్ సొసైటీ కాన్ఫరెన్స్‌లో ప్రచురించిన అధ్యయనం ప్రకారం.. సోమవారం రోజు.. STEMI ప్రమాదం ఎక్కువగా పెరుగుతుందని గుర్తించారు.
ట్రాన్స్‌థైరెటిన్ అమిలాయిడ్ కార్డియోమయోపతి (ATTR-CM)..
ఇది అరుదైన గుండె సమస్య. దీనిలో క్రమరహిత ప్రొటీన్లు గుండెలో పేరుకుపోతాయి. ఈ ప్రోటీన్ గుండె ఎడమ వైపు ఉన్న వెంట్రికల్స్‌ను గట్టిపరుస్తుంది, దాని కారణంగా వాటి పంపింగ్ సామర్థ్యం తగ్గుతుంది. వెంట్రికల్స్‌ గుండెలో ముఖ్యమైన భాగం. ఈ ప్రొటీన్లు.. గుండెకు రక్తాన్ని పంప్ చేయడం కష్టతరం చేస్తాయి. దీనిని కార్డియాక్ అమిలోయిడోసిస్, అమిలోయిడోసిస్ ATTR అని కూడా పిలుస్తుంటారు.
Coconut vinegar: కొకోనట్‌ వెనిగర్‌.. దీని లాభాలు తెలిస్తే వదిలిపెట్టరు..!
కార్డియాక్ సిండ్రోమ్ X..
కార్డియాక్ సిండ్రోమ్ X అరుదైన గుండె సమస్య. కార్డియాక్ సిండ్రోమ్ X యాంజియోగ్రామ్‌లలో కరోనరీ వాస్కులర్ అసాధారణతలను చూపదు. ఇది యాంజినల్ నొప్పి ద్వారా వర్గీకరిస్తారు. ఇది పెరిమెనోపాజ్, పోస్ట్ మెనోపాజ్ దశలో ఉన్న మహిళల్లో ఇది ఎక్కువగా కనిపిస్తుంది.
టాకోట్సుబో కార్డియోమయోపతి..
తీవ్ర భావోద్వేగానికి గురైతే.. టాకోట్సుబో కార్డియోమయోపతి సంభవిస్తుందని నిపుణులు చెబుతున్నారు. అధిక శారీరక శ్రమ కూడా ఈ పరిస్థితికి కారణం అవుతుంది. ఈ సమస్య గుండె పంపింగ్ ఛాంబర్‌ను ఖాళీ చేస్తుంది, ఇది రక్తాన్ని పంప్ చేసే దాని సామర్థ్యాన్ని ప్రభావితం చేస్తుంది.
Diabetes Mistakes: ఈ 5 తప్పులు చేస్తే.. షుగర్‌ పెరుగుతుంది.. !
ప్రింజ్మెటల్ ఆంజినా..
ప్రింజ్మెటల్ ఆంజినాను వేరియంట్ ఆంజినా అని కూడా అంటారు. కొరోనరీ ధమనులలో స్పామ్ కారణంగా ఇది సంభవిస్తుంది. ఇది చల్లని వాతావరణం, ఒత్తిడి, రక్త నాళాలను సన్నగా చేసే మందులు, ధూమపానం, కొకైన్ కారణంగా సంభవించవచ్చు. ఈ నొప్పి సాధారణంగా రాత్రి, తెల్లవారుజామున ఎక్కువగా వచ్చే అవకాశం ఉంది.
టోర్సేడ్స్ డి పాయింట్స్..
టోర్సేడ్స్ డి పాయింట్స్.. పాలిమార్ఫిక్ వెంట్రిక్యులర్ టాచీకార్డియాను సూచిస్తుంది. ఈ వ్యాధి క్లాసిక్ లక్షణాలలో ఒకటి వైవిధ్యమైన హార్ట్‌ బీట్‌ సమస్య. దీనిలో గుండె దిగువ గదులు పై గదుల కంటే వేగంగా కొట్టుకుంటాయి. ఇది ఆకస్మిక గుండె మరణానికి దారితీస్తుంది.
ఎబ్స్టెయిన్ అనోమలీ..
గుండె ట్రైకస్పిడ్ వాల్వ్‌లో లోపం Ebstein’s anomaly అనే పరిస్థితికి దారి తీస్తుంది. ట్రైకస్పిడ్ వాల్వ్ కుడి కర్ణికను కుడి జఠరిక నుంచి వేరు చేస్తుంది. పిండం ఎదుగుదలలో మొదటి ఎనిమిది వారాలలో ట్రైకస్పిడ్ వాల్వ్ ఏర్పడుతుంది. ఇది అరిథ్మియా, ఆకస్మిక గుండె మరణానికి దారితీస్తుంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
[ad_2]
Source link
Leave a Reply