Swiggy Report 2023: హైదరాబాద్​కి బిర్యానీకి విడదీయరాని అనుబంధం ఉందని మరోసారి రుజువైంది. ప్రముఖ స్విగ్గీ సంస్థ ఈ విషయాన్ని తెలిపింది. భారతదేశంలోని ప్రముఖ ఆన్​ డిమాండ్ కన్వీనియన్స్ ప్లాట్​ఫారమ్​గా పేరొందిన స్విగ్గీ.. 2023లో ఫుడ్ డెలివరీలో హైదరాబాద్​లో టాప్​ ఫుడ్ ఆర్డర్స్​ రిపోర్ట్​ను విడుదల చేసింది. దీనిలో హైదరాబాద్​కి సంబంధించి చాలా ఇంట్రెస్టింగ్ వివరాలు తెలిపింది.

ఒక్క ఆర్డర్​లో 37 వేలు బిల్​

స్విగ్గీ యాప్​లో 2023లో ఒక వినియోగదారుడు.. తన ఖాతానుంచి పదివేలకు పైగా ఫుడ్​ ఆర్డర్​లు చేశాడు. దేశంలోని ప్రతి 6వ బిర్యానీ ఆర్డర్ హైదరాబాద్​ నుంచే జరిగింది. మరొక హైదరాబాదీ 2023లో 1,633 బిర్యానీ ఆర్డర్​లు చేసినట్లు తెలిపింది. నగరంలోని ఓ వ్యక్తి.. ఒక ఆర్డర్​లో 37 వేల రూపాయిలకు పైగా బిల్ చేశాడు. మీకు తెలుసా వరుసగా 8 సంవత్సరాల నుంచి బిర్యానీ ఆర్డర్​లలో హైదరాబాద్​ మొదటి స్థానంలో నిలిచింది.

టాప్​ 5 ఆర్డర్స్ ఇవే..

హైదరాబాద్​లో టాప్​ 5లో ఉన్న ఆర్డర్లు ఏంటో తెలుసా? మొదటి స్థానంలో చికెన్ బిర్యానీ ఉంటే.. తర్వాత మసాలా దోశ, బటర్​నాన్​, చికెన్ 65, ఇడ్లీ ఉన్నాయి. ఇక్కడ హైలైట్​ అయిన విషయం ఏమిటంటే ఓ హైదరాబాదీ 2023 సంవత్సరం మొత్తంలో స్విగ్గీ యాప్​ ద్వారా రూ.6లక్షల విలువైన ఇడ్లీలు ఆర్డర్ చేశాడు. మస్కా బన్, చికెన్ పాప్​కార్న్, హాట్ చికెన్ వింగ్స్, వెజ్​ పఫ్, సమోసాలు టాప్​ 5 స్నాక్స్​గా నిలిచాయి. డబుల్​ కా మీఠా మరోసారి గో-టు డెజర్ట్​గా తన స్థానాన్ని నిలుపుకుంది. అప్రికాట్ డిలైట్, గులాబ్ జామూన్, చాకో లావా కేక్, డబుల్ డార్క్ చంక్ చాక్లెట్​ కుకీ డెజర్ట్​ ఆర్డర్​లలో స్థానం సంపాదించుకున్నాయి. 

డైనింగ్ అవుట్​లో రూ.125 కోట్లా??

కేవలం ఆర్డర్ చేయడంలోనే కాకుండా.. డైనింగ్​ అవుట్​ ఆప్షన్​లను కూడా హైదరాబాదీలు బాగానే వినియోగించుకున్నారు. హైదరాబాద్​లోని 4 లక్షల మంది కస్టమర్లు రూ.125.6 కోట్ల వ్యయం చేయగా.. డైనింగ్​ అవుట్​లో భాగంగా 25 కోట్ల రూపాయిలు ఆదా చేశారు. డైన్​ అవుట్​లో ఓ వ్యక్తి రూ.1,78,507 చేశాడు. 

త్వరలోనే పాకెట్ హీరో ప్లాన్..

బిర్యానీ ఆర్డర్లలో టాప్​లో నిలిచిన హైదరాబాద్​కు స్విగ్గీ ఓ బంపర్ ఆఫర్ ప్రకటించింది. పాకెట్​ హీరో ప్లాన్​ను ఇప్పుడు హైదరాబాదీలకు కూడా అందించేందుకు నిర్ణయం తీసుకుంది. ఈ ఆఫర్​ ద్వారా కస్టమర్లు ఫ్రీ డెలివరీ పొందడమే కాకుండా.. కొన్ని రెస్టారెంట్స్​ నుంచి ఫుడ్​ ఆర్డర్​లపై 60 శాతం డిస్కౌంట్​ పొందవచ్చు. హైదరాబాదీలను ఆకర్షించుకునేందుకు స్విగ్గీ ఈ ప్లాన్​ను తీసుకువచ్చింది. అయితే ఈ ఆఫర్​ త్వరలోనే హైదరాబాదీలకు అందుబాటులోకి రానుంది. 

ఎంతవారైనా.. బిర్యానీలకు ఫిదా అవ్వాల్సిందే..

ఏది ఏమైనా హైదరాబాదీలకు బిర్యానీ అంటే ఎంత ప్రేమ ఉంటుందో ప్రత్యేకంగా చెప్పాల్సిన అవసరం లేదు. ఏ ప్రాంతం నుంచి వచ్చిన వారైనా సరే.. హైదరాబాద్ బిర్యానీతో ప్రేమలో పడాల్సిందే. ఇక్కడికి వచ్చే సెలబ్రేటీలు సైతం హైదరాబాద్ బిర్యానీకి ఫిదా అవుతున్నప్పుడు.. హైదరాబాదీలు మాత్రం ఏమైనా తక్కువ తింటామా అనే రేంజ్​లో బిర్యానీలు లాగించేస్తున్నారు. వండుకుంటూనో.. ఆర్డర్ చేసుకుంటూనో.. లేదా రెస్టారెంట్లకు వెళ్లో.. బిర్యానీలు బిర్యానీలు ఆరగించేస్తున్నారు. 

Also Read : బరువు తగ్గేందుకు హెల్ప్ చేసే బ్రేక్​ఫాస్ట్​ రెసిపీలు ఇవే