క్లాప్ థెరపీ వెనుక ఉన్న సైన్స్ ఏమిటి?
మానవ శరీరం ఒక సంక్లిష్టమైన వ్యవస్థ. ప్రతి అవయవాన్ని ఒకదానితో ఒకటి అనుసంధానించే నరాలు, రక్త నాళాలు.. శరీరం అంతటా వ్యాపించి ఉంటాయి. శరరంలోని అవయవాలు ఒకదానితో ఒకటి లింక్‌ అవ్వడం వల్ల.. ఒకదాని ప్రభావం మరొకదానిపై ఉంటుంది.
మన శరీరంలోని 300 కంటే ఎక్కువ ఆక్యుప్రెషర్ పాయింట్లలో, 30 కంటే ఎక్కువ చేతులపైనే ఉన్నాయి. ఈ ఆక్యుప్రెషర్ పాయింట్లకుమన గుండె, మూత్రపిండాలు, ఊపిరితిత్తులు, ప్యాంక్రియాస్, జీర్ణవ్యవస్థతో సంబంధం ఉంటుంది. ఈ పాయింట్లను యాక్టివేట్ చేయడం వల్ల ఆ భాగాలను ఆరోగ్యంగా ఉంచవచ్చు.
ఆయుర్వేదం ప్రకారం.. రోజూ 10 నుంచి15 నిమిషాలు చప్పట్లు కొడితే శరీరంలో ఉన్న ఏడు చక్రాలు యాక్టివేట్ అవుతాయి. ఇవి ఒకదానితో ఒకటి సంబంధం కలిగి ఉంటాయి. ఈ చక్రాలు ఉత్తేజితమైతే ఆ వ్యక్తి ఏకాగ్రత, సామర్థ్యం పెరుగుతాయి. మరిన్ని ఆరోగ్య ప్రయోజనాలు పొందుతారు.
(image source – Pexels)
గుండె ఆరోగ్యానికి మేలు చేస్తుంది..
చప్పట్లు కొట్టడం వల్ల రక్తపోటు కంట్రోల్‌లో ఉంటుంది. ఇది గుండె ఆరోగ్యానికి మేలు చేస్తుంది. మనం చప్పట్లు కొడితే.. అరచేతులు వేడెక్కుతాయి, శరీరమంతా రక్తప్రసరణ మెరుగుపడుతుంది. ఇది గుండె కండరాలపై ఒత్తిడిని తగ్గిస్తుంది, గుండె సమస్యలను నివారిస్తుంది. చప్పట్లు శ్వాసకో సమస్యలను దూరం చేస్తాయి.
మానసిక ఆరోగ్యానికి మంచిది..
క్లాపింగ్ థెరపీ ఒత్తిడి, ఆందోళనను తగ్గిస్తుంది. మనం చప్పట్లు కొట్టేప్పుడు.. ఉత్పన్నమయ్యే శక్తి మనస్సుకు సానుకూల సంకేతాలను పంపుతుంది, ఇది మానసిక కల్లోలం, నిరాశ, చంచలత్వం నుంచి ఉపశమనం ఇస్తుంది. మనస్సులో శాంతి, సంతోషకరమైన ఆలోచనలను సృష్టిస్తుంది. క్లాపింగ్ థెరపీ శరీరంలో హ్యాపీ హార్మోన్లను ప్రేరేపిస్తుంది.
(image source – Pexels)
Also Read:ఫోన్‌, కంప్యూటర్‌ ఎక్కువగా వాడుతున్నారా..? అయితే మీ కళ్లకు ఈ సమస్య తప్పదు..!
ఇమ్యూనిటీ బూస్ట్‌ అవుతుంది..
చప్పట్లు శరీరంలో తెల్ల రక్త కణాల ఉత్పత్తిని ప్రేరేపిస్తాయి. దీంతో రోగనిరోధక శక్తి మెరుగుపడుతుంది. ఇన్ఫెక్షన్ల ప్రమాదాన్ని తగ్గిస్తుంది.
జ్ఞాపకశక్తి పెరుగుతుంది..
ఈ క్లాపింగ్ థెరపీని పెద్దలు మాత్రమే కాకుండా పిల్లలు కూడా ఫాలో అవ్వచ్చు. చప్పట్లు కొట్టడం వల్ల పిల్లల్లో జ్ఞాన సామర్థ్యాలు పెరగడంతో పాటు.. జ్ఞాపకశక్తి మెరుగుపడుతుంది.
నడుము నొప్పి తగ్గుతుంది..
నడుము నొప్పితో బాధపడేవారికి.. క్లాపింగ్ థెరపీ మంచి రిజల్ట్స్‌ ఇస్తుంది. మనం చప్పట్లు కొట్టినప్పుడు.. తుంటి కండరాలకు అనుసంధానంగా ఉన్న ఆక్యుప్రెషర్ పాయింట్లను స్టిమ్యూలేట్ చేస్తుంది. ఇది నొప్పి తీవ్రతను తగ్గిస్తుంది. ఎముక సంబంధిత సమస్యలకు మంచి పరిష్కారం అందిస్తుంది.
జుట్టు రాలడం తగ్గుతుంది..
చప్పట్లు కొడితే జుట్టు సంబంధిత సమస్యలూ నయం అవుతాయి. చప్పట్లు మన శరీరంలో రక్త ప్రసరణను మెరుగుపరుస్తాయి. ఇది జుట్టు కుదుళ్లలో రక్త ప్రవాహాన్ని కూడా ప్రేరేపిస్తుంది. జుట్టు రాలే సమస్యను దూరం చేసి.. హెయిర్‌ గ్రోత్‌ను ప్రేరేపిస్తుంది.
(image source – Pexels)
Also Read:గుండెపోటు రావడానికి.. 6 ప్రధాన కారణాలు ఇవే..!
చప్పట్లు ఇలా కొట్టండి..
- సింపుల్ గా చప్పట్లు కొట్టినా మంచిదే కానీ.. అదనపు ఆరోగ్య ప్రయోజనాలు పొందడానికి క్లాపింగ్ థెరపీని సరిగ్గా చేయడం మంచిది.
- ముందుగా మీ అరచేతులుక కొద్దిగా కొబ్బరి నూనె అప్లై చేసుకోండి. ఇది చప్పట్లు కొట్టేప్పుడు వేడిని పూల్చుకుంటుంది. శక్తి తరంగాలు శరీరం నుంచి బయటకు వెళ్లకుండా నిరోధించడానికి పాదాలకు సాక్స్ / మృదువైన బూట్లు ధరించండి.
- పద్మాసనం/ వజ్రాసనంలో కూర్చోండి.రెండు చేతులను రిలాక్స్‌గా, నిటారుగా ఉంచి చేతులు కొట్టండి.
- మంచి రిజల్ట్స్‌ కోసం మీరు ప్రతి రోజూ ఉదయం 20-30 నిమిషాల పాటు క్లాపింగ్ థెరపీ ప్రాక్సిస్‌ చేయవచ్చు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.