Foreign Exchange Reserves in India: భారతదేశ విదేశీ మారక ద్రవ్య ఖజానా మళ్లీ కళకళలాడింది. అంతకుముందు క్షీణించిన విదేశీ కరెన్సీ నిల్వలు, తిరిగి పుంజుకున్నాయి. రిజర్వ్ బ్యాంక్ ఆఫ్ ఇండియా (RBI) శుక్రవారం నాడు విదేశీ మారక నిల్వల గణాంకాలను విడుదల చేసింది. ఆర్‌బీఐ డేటా ప్రకారం, 2024 జనవరి 26తో ముగిసిన వారంలో భారతదేశంలో విదేశీ మారక నిల్వలు (India’s Forex Reserves) 591 మిలియన్‌ డాలర్లు పెరిగి 616.733 బిలియన్‌ డాలర్లకు చేరాయి. దీనికిముందు, 2024 జనవరి 19తో ముగిసిన వారంలో 2.79 బిలియన్ డాలర్లు తగ్గి 616.14 బిలియన్‌ డాలర్లకు చేరాయి. దీనికి ముందు, వరుసగా ఏడు వారాల పాటు ఫారెక్స్‌ రిజర్వ్స్‌ రైజింగ్‌లో ఉన్నాయి. ఆ ఏడు వరుస వారాల్లో 30.12 బిలియన్ డాలర్లు పెరిగాయి. 

భారతదేశ విదేశీ మారక నిల్వలు 2021 అక్టోబర్‌ నెలలో అత్యధికంగా 645 బిలియన్ డాలర్లకు ‍‌చేరుకున్నాయి. ఇది, జీవిత కాల గరిష్ట రికార్డ్‌ (Forex reserves all-time high record). భారత ప్రభుత్వం ఎగుమతులపై ఎక్కువగా దృష్టి పెట్టడం వల్ల, త్వరలోనే ఆ రికార్డ్‌ను దాటి కొత్త రికార్డ్‌ సృష్టించొచ్చన్న అంచనాలు ఉన్నాయి. ప్రస్తుతం, ఫారెక్స్‌ నిల్వలు, తమ జీవిత కాల గరిష్ట రికార్డ్‌ స్థాయికి దాదాపు 28 బిలియన్‌ డాలర్ల దూరంలో ఉన్నాయి. 

2024 జనవరి 5తో ముగిసిన వారంలో విదేశీ కరెన్సీ ఆస్తులు (Foreign Currency Assets – FCA) కూడా 289 బిలియన్ డాలర్ల వృద్ధితో 546.14 బిలియన్ డాలర్లకు తగ్గాయి. ఫారిన్‌ కరెన్సీ అసెట్స్‌ అంటే.. విదేశీ మారక నిల్వల్లో ఉన్న యూరో, పౌండ్, యెన్ వంటి అమెరికాయేతర కరెన్సీ యూనిట్ల విలువలో పెరుగుదల లేదా తరుగుదల విలువ. అమెరికన్‌ డాలర్ల రూపంలో ఈ విలువను చెబుతారు. 

పెరిగిన బంగారం నిల్వలు
సమీక్ష కాలంలో ఆర్‌బీఐ వద్ద బంగారం నిల్వలు కూడా పెరిగాయి. RBI గోల్డ్‌ ఛెస్ట్‌ (Gold reserves In India) 269 మిలియన్ డాలర్లు పెరిగి 47.48 బిలియన్ డాలర్లకు చేరాయి. SDRs (Special Drawing Rights) 27 మిలియన్‌ డాలర్ల జంప్‌తో 18.24 బిలియన్‌ డాలర్లకు చేరాయి. అంతర్జాతీయ ద్రవ్య నిధిలో (IMF) డిపాజిట్ చేసిన నిల్వలు 6 మిలియన్ డాలర్లు పెరిగి 4.86 బిలియన్ డాలర్లకు చేరాయి. 

కరెన్సీ మార్కెట్‌లో RBI జోక్యం తర్వాత, దేశంలో విదేశీ కరెన్సీ ఆస్తులలో మార్పులు కనిపిస్తున్నాయి. మన దేశంలో తగినన్ని ఫారెక్స్‌ రిజర్వ్స్‌ ఉన్నాయని భారత ప్రభుత్వం చెబుతోంది. ఏ దేశంలోనైనా విదేశీ మారక నిల్వలు ఎంత ఎక్కువ స్థాయిలో ఉంటే ఆ దేశం ఆర్థికంగా అంత బలంగా ఉంటుంది. దేశ ఆర్థిక స్థిరత్వంలో ఫారెక్స్‌ రిజర్వ్స్‌ది కీలక పాత్ర. విదేశీ మారక నిల్వలు తగ్గుతున్నాయంటే, ఆర్థిక వ్యవస్థపై పడుతున్న ఒత్తిడిగా దానిని గుర్తించాలి. 

బలపడిన రూపాయి (Indian Rupee Value)
శుక్రవారం (02 ఫిబ్రవరి 2024) రోజున, కరెన్సీ మార్కెట్‌లో ఒక డాలర్‌తో రూపాయి మారకం విలువ 82.92 వద్ద (dollar to rupee exchange rate) ముగిసింది, 06 పైసలు బలపడింది. అంతకుముందు సెషన్‌లో ఇది 82.98 స్థాయిలో ఉంది.

మరో ఆసక్తికర కథనం: 

మరిన్ని చూడండి