SBI Amrit Kalash Scheme Details: దేశంలో అతి పెద్ద ప్రభుత్వ రంగ బ్యాంక్‌ అయిన స్టేట్ బ్యాంక్ ఆఫ్ ఇండియా (State Bank FD) రన్‌ చేస్తున్న పథకాల్లో ‘అమృత్‌ కలశ్‌’ ఒకటి. ఇదొక ప్రత్యేక కాల వ్యవధి పథకం. ఈ పథకం మీద స్టేట్‌ బ్యాంక్‌ అత్యంత ఆకర్షణీయమైన వడ్డీ రేటును ఆఫర్‌ చేస్తోంది. 

ఈ పథకంలో చేరడానికి ఈ రోజే (ఆదివారం, 31 మార్చి 2023) తుది గడువు. ఆదివారమైనా ఈ రోజు కూడా బ్యాంక్‌లు తెరిచే ఉంటాయి. మీకు పెట్టుబడి ఆలోచన ఉంటే.. నేరుగా బ్యాంక్‌ బ్రాంచ్‌కు వెళ్లి అకౌంట్ ఓపెన్‌ చేయవచ్చు. మీకు ఇంటర్నెట్‌ బ్యాంకింగ్‌ మీద అవగాహన ఉంటే, బ్రాంచ్‌ వరకు వెళ్లక్కర్లేకుండా ఆన్‌లైన్‌ ద్వారా కూడా దరఖాస్తు చేస్తుకోవచ్చు. ఇందుకోసం, మీకు SBI ఇంటర్నెట్‌ బ్యాంకింగ్‌ లేదా మీ ఫోన్‌లో యోనో (SBI YONO) యాప్‌ ఉంటే చాలు. మీరు ఇంట్లోనే కూర్చుని ఇంటర్నెట్‌ బ్యాంకింగ్‌/యోనో ద్వారా ఎస్‌బీఐ అమృత్‌ కలశ్‌ అకౌంట్‌ ఓపెన్‌ చేయవచ్చు.

అమృత్‌ కలశ్‌ పథకంపై వడ్డీ రేట్లు
SBI అమృత్‌ కలశ్‌ పథకం టెన్యూర్‌ 400 రోజులు. ఈ ఫిక్స్‌డ్‌ డిపాజిట్‌ స్కీమ్‌లో డబ్బు జమ చేసిన సీనియర్‌ సిటిజన్లకు ఏటా 7.60 శాతం వడ్డీ రేటు  (SBI Amrit Kalash Scheme Interest Rate) అందుతుంది. సాధారణ పౌరులకు ఏడాదికి 7.10 శాతం వడ్డీ రేటును బ్యాంక్‌ జమ చేస్తుంది. 

వడ్డీ రేటుపై ఒక ఉదాహరణను పరిశీలిస్తే… ఎస్‌బీఐ అమృత్‌ కలశ్‌లో ఒక సీనియర్‌ సిటిజన్‌ 5 లక్ష రూపాయలు డిపాజిట్‌ చేస్తే, 7.60 శాతం వడ్డీ రేటు ప్రకారం 400 రోజులకు రూ. 43,000 వడ్డీ వస్తుంది. రూ. 5 లక్షల డిపాజిట్‌కు 7.60 శాతం వడ్డీ రేటు ప్రకారం, ఒక సాధారణ పౌరుడికి లభించే వడ్డీ మొత్తం 40,085 రూపాయలు.

రూ. 2 కోట్లకు మించకుండా…
రెండు కోట్ల రూపాయల కంటే తక్కువ మొత్తాల్లో ఉండే దేశీయ రిటైల్ టర్మ్ డిపాజిట్లు, NRI రూపాయి టర్మ్ డిపాజిట్లు రెండింటికీ ఈ పథకం వర్తిస్తుంది. అంటే, రూ.2 కోట్ల లోపు మొత్తంతో ఎఫ్‌డీ వేయాలనుకున్న అందరూ దీనికి అర్హులే. కొత్తగా ఎఫ్‌డీ అకౌంట్‌ ఓపెన్‌ చేయడంతో పాటు, పాత డిపాజిట్‌ను కూడా రెన్యూవల్ చేసుకోవచ్చు. ఇందులో, టర్మ్ డిపాజిట్ & స్పెషల్‌ టర్మ్ డిపాజిట్ సౌకర్యం కూడా ఖాతాదార్లకు అందుబాటులో ఉంది.

ఒకవేళ మీకు హఠాత్తుగా డబ్బు అవసరమైనా, 400 రోజుల కంటే ముందే అమృత్‌ కలశ్‌ ఖాతాను రద్దు చేసుకోవాలనుకున్నా.. మెచ్యూరిటీ తేదీ కంటే ముందుగానే అకౌంట్‌ను క్లోజ్‌ చేసే (Amrit Kalash premature withdrawal) సదుపాయం ఉంది. ఈ డిపాజిట్‌ను మీద బ్యాంక్‌ లోన్‌ కూడా వస్తుంది.

అమృత్‌ కలశ్‌ పథకంపై మీరు తీసుకునే వడ్డీపై ఇన్‌కం టాక్స్‌ యాక్ట్‌ (Income Tax Act) రూల్స్‌ ప్రకారం TDS కట్‌ అవుతుంది. ఇలా కట్‌ అయిన మొత్తాన్ని, మీరు ఆదాయ పన్ను పత్రాలు దాఖలు చేసే (ITR Filing) సమయంలో క్లెయిమ్‌ చేసుకోవచ్చు. 

మరో ఆసక్తికర కథనం: పట్టు వదిలిన పసిడి – తెలుగు రాష్ట్రాల్లో ఈ రోజు బంగారం, వెండి ధరలు ఇవి