[ad_1]

<p><strong>Popular Pension Plan In India:</strong> ప్రతి ఒక్కరు, తమకు స్థిరమైన ఆదాయం (ఉద్యోగం, వ్యాపారం) ఉన్నప్పుడే రిటైర్మెంట్&zwnj; జీవితం గురించి కూడా పక్కా ప్లాన్&zwnj;తో ముందుకు వెళ్లాలి. బంగారం, స్థిరాస్తి, షేర్&zwnj; మార్కెట్&zwnj;, ప్రభుత్వ పథకాలు.. ఇలా చాలా రూపాల్లో డబ్బును ఇన్వెస్ట్&zwnj; చేయవచ్చు, సంపద పెంచుకోవచ్చు. ప్రభుత్వం రన్&zwnj; చేస్తున్న పెన్షన్ స్కీమ్స్&zwnj;లో దీర్ఘకాలం పాటు పెట్టుబడి పెట్టడం కూడా తెలివైన నిర్ణయంగా నిలుస్తుంది. దీనివల్ల, పెట్టుబడికి నష్ట భయం ఉండదు + ఉద్యోగం లేదా వ్యాపారం నుంచి రిటైర్&zwnj; అయిన తర్వాత కూడా డబ్బులు వస్తూనే ఉంటాయి. ప్రస్తుతం ఉన్న బెస్ట్&zwnj; ప్లాన్స్&zwnj;లో ఒకటి… ‘జాతీయ పింఛను పథకం’ లేదా ‘నేషనల్ పెన్షన్ సిస్టమ్’ (NPS).&nbsp;</p>
<p>భారత ప్రభుత్వం, తక్కువ ఆదాయ వర్గాల కోసమే NPSను &zwj;&zwnj;(National Pension System) తీర్చిదిద్దింది. అంటే, ఇంటి బడ్జెట్&zwnj; మీద భారం లేకుండానే, చాలా తక్కువ మొత్తంతో ఇందులో పెట్టుబడిని ప్రారంభించొచ్చు. చందాదారుకు 60 సంవత్సరాలు రాగానే, అప్పటి వరకు NPS ఖాతాలో ఉన్న మెచ్యూరిటీ మొత్తం రూ. 5 లక్షలు లేదా ఆ లోపు ఉంటే, ఆ మొత్తం డబ్బును ఒకేసారి వెనక్కు తీసుకోవచ్చు. ఒకవేళ రిటైర్మెంట్&zwnj; నాటికి కార్పస్&zwnj; రూ. 5 లక్షల కంటే ఎక్కువ ఉంటే, ఆ మొత్తంలో గరిష్టంగా 60% డబ్బును విత్&zwnj;డ్రా చేసుకోవచ్చు. మిగిలిన మొత్తంతో యాన్యుటీ ప్లాన్&zwnj; కొనుగోలు చేయాలి. మీరు కావాలనుకుంటే 100% కార్పస్&zwnj;తోనూ యాన్యుటీ ప్లాన్&zwnj; తీసుకోవచ్చు. యాన్యుటీ ప్లాన్&zwnj; నుంచి ప్రతి నెలా పెన్షన్ రూపంలో డబ్బు తిరిగి వస్తుంది.</p>
<p>ఈ స్కీమ్&zwnj; కింద, తక్కువ డబ్బును ఇన్వెస్ట్&zwnj; చేసి ఎక్కువ ప్రయోజనాలు పొందే అవకాశం ఉంది. రోజుకు కేవలం రూ. 100 ఆదా చేసి నెలకు రూ. 57,000 పెన్షన్ కూడా తీసుకోవచ్చు.&nbsp;</p>
<p><strong>నెలకు ₹1500 పెట్టుబడితో&nbsp;₹57 లక్షలు</strong><br />మీరు, మీ 25 సంవత్సరాల వయస్సులో, NPSలో నెలకు రూ.1500 (రోజుకు 50 రూపాయలు) పెట్టుబడి పెడితే, 60 ఏళ్ల వయస్సులో మొత్తం కార్పస్ రూ. 57,42,416 అవుతుంది. ఉజ్జాయింపుగా, వార్షిక వడ్డీ 10 శాతం లెక్కన ఈ సంపద పోగుపడుతుంది.</p>
<p>మీ అకౌంట్&zwnj;లో జమ అయిన మొత్తం డబ్బుతో (100% కార్పస్&zwnj;) యాన్యుటీ ప్లాన్&zwnj; కొంటే, నెలకు రూ. 28,712 పెన్షన్ తీసుకోవచ్చు. 40% మొత్తంతో యాన్యుటీ కొనుగోలు చేస్తే, నెలవారీ పెన్షన్ రూ. 11,485 అవుతుంది. ఇంకా మీ అకౌంట్&zwnj;లో రూ. 34 లక్షలు ఉంటాయి, వాటిని విత్&zwnj;డ్రా చేసుకోవచ్చు.</p>
<p><strong>రోజుకు ₹100తో నెలకు ₹57,000 పెన్షన్&zwnj;</strong><br />మీరు 25 సంవత్సరాల వయస్సు నుంచి ప్రతి రోజు 100 రూపాయలు&zwj; (నెలకు రూ. 3,000) పెట్టుబడి పెట్టడం ప్రారంభిస్తే, NPS కాలిక్యులేటర్ ప్రకారం, మీకు 60 సంవత్సరాల వచ్చే సరికి ఒక కోటి 14 లక్షల 84 వేల 831 రూపాయలు (రూ. 1,14,84,831) జమ అవుతుంది. ఈ మొత్తంతో 100% యాన్యుటీ కొనుగోలు చేస్తే, మొత్తం నెలవారీ పెన్షన్ రూ. 57,412 వస్తుంది. 40% మొత్తంతో యాన్యుటీ కొనుగోలు చేస్తే నెలకు రూ. 22,970 పెన్షన్&zwnj; వస్తుంది. మిలిగిన 60% కార్పస్&zwnj; రూ. 68 లక్షలను ఏకమొత్తంగా విత్&zwnj;డ్రా చేసుకోవచ్చు.</p>
<p>NPS సబ్&zwnj;స్క్రైబర్లు, తమ పెట్టుబడిపై ఆదాయ పన్ను &zwj;&zwnj;(Income tax saving) చెల్లించాల్సిన అవసరం లేదు. ఆదాయపు పన్ను చట్టంలోని సెక్షన్ 80C కింద రూ.1.50 లక్షలు, సెక్షన్&zwnj; 80CCD కింద (టైర్&zwnj;-1 అకౌంట్&zwnj;) మరో రూ.50,000 కలిపి, ఒక ఆర్థిక సంవత్సరంలో మొత్తం రూ. 2 లక్షల వరకు క్లెయిమ్ చేసుకోవచ్చు.&nbsp;</p>
<p>మరో ఆసక్తికర కథనం: <a title=" ఫామ్&zwnj;-16 అంటే ఏంటి, ఐటీ రిటర్న్&zwnj; ఫైలింగ్&zwnj;లో దాని పాత్రేంటి?" href="https://telugu.abplive.com/business/personal-finance/itr-2024-income-tax-itr-what-is-form-16-and-which-information-it-contains-145834" target="_self"> ఫామ్&zwnj;-16 అంటే ఏంటి, ఐటీ రిటర్న్&zwnj; ఫైలింగ్&zwnj;లో దాని పాత్రేంటి?</a></p>

[ad_2]

Source link