[ad_1]
భుజంగాసనం..
![భుజంగాసనం..](https://static.langimg.com/thumb/67415780/Samayam Telugu.jpg?width=540&height=405&resizemode=75)
ఊపిరితిత్తుల సామర్థ్యాన్ని పెంచడానికి భుజంగాసనం గొప్పగా సహాయపడుతుంది. ఈ ఆసనం ఇది ఛాతీని, ఊపిరితిత్తులను బలోపేతం చేస్తుంది. ఊపిరితిత్తుల ఇన్ఫెక్షన్, ఆస్తమా పేషెంట్స్కు ఇది మంచి యోగాసనం. భుజంగాసనం వేయడానికి ముందుగా బోర్లా పడుకోవాలి. రెండు పాదాల వేళ్లు, మడమలు నేలకు తాకేలా చూసుకోవాలి. అరచేతులను ఛాతీ పక్కలకు తీసుకొచ్చి, నేలకు ఆనించాలి. శ్వాసను తీసుకుంటూ నెమ్మదిగా తల, ఛాతీని పైకి లేపాలి. మోచేతులు నేలకు ఆనించాలి. కొంచెం సేపు తర్వాత.. శ్వాస వదులుతూ.. సాధారణ స్థితికి చేరుకోవాలి.
ఈ ఆసనాలు ప్రాక్టిస్ చేస్తే.. యూరిక్ యాసిడ్ తగ్గడమే కాదు, కిడ్నీలో రాళ్లు కరుగుతాయ్..!
మర్జాలాసనం..
![మర్జాలాసనం..](https://static.langimg.com/thumb/67415780/Samayam Telugu.jpg?width=540&height=405&resizemode=75)
మర్జాలాసనం తరచుగా ప్రాక్టిస్ చేస్తే.. ఊపరితిత్తుల కెపాసిటీ పెరుగుతంది. మెడ నుండి తుంటి వరకు ఒత్తిడిని తగ్గించడానికి తోడ్పడుతుంది. ఇది వెన్నెముకను కదిలించడం, శ్వాసను కనెక్ట్ చేయడంతో పాటు ఛాతీ, పొత్తికడుపు కండరాలను సాగదీస్తుంది. మర్జాలాసనం వేయడానికి ముందుగా ముందుగా వజ్రాసనంలో కూర్చోవాలి. శరీరాన్ని ముందుకు వంచుతూ మోకాళ్లు, అరచేతులు నేలకు ఆనించాలి. అరచేతులు భుజాలకు, మోకాళ్లు తుంటికి సమానంగా ఉంచాలి. నెమ్మదిగా శ్వాస వదులుతూ.. నడుమును వీలైనంత పైకి లేపాలి. తలను కొద్దిగా కిందికి దింపాలి. కాసేపు అలాగే ఉండాలి. ఇప్పుడు నెమ్మదిగా శ్వాస తీసుకుంటూ.. నడుమును కిందికి వంచుతూ, తలను పైకి ఎత్తాలి. కాసేపు అలాగే ఉండాలి.
Anti Inflammatory Herbs: ఈ మూలికలతో.. శరీరంలో మంట, వాపు తగ్గుతాయి..!
భ్రమరి ప్రాణాయామం..
![భ్రమరి ప్రాణాయామం..](https://static.langimg.com/thumb/67415780/Samayam Telugu.jpg?width=540&height=405&resizemode=75)
ఊపిరితిత్తుల సామర్థ్యాన్ని పెంచడానికి ఈ ప్రాణాయామం గొప్పగా పనిచేస్తుంది. ఇది మైండ్ఫుల్నెస్ను ప్రోత్సహిస్తుంది, నిద్రలేమిని దూరం చేస్తుంది. ఇది ఊపిరితిత్తుల నుంచి విషాన్ని తొలగిస్తుంది. ఊపిరితిత్తులను శుభ్రం చేసి.. ఛాతీ రద్దీని తగ్గిస్తుంది.
భ్రమరి ప్రాణాయామం అభ్యాసం చేయడానికి కళ్లు మూసుకుని రెండు చేతుల బొటనవేళ్లను రెండు చెవుల్లో ఉంచాలి. గాలి లోపలకు పీల్చి తుమ్మెద శబ్దంతో గొంతు ద్వారా బయటకు వదులుతూ ఉండాలి. రౌండ్కు 20 సార్లు సాధన చేయవచ్చు.
కపాలబాతి..
![కపాలబాతి..](https://static.langimg.com/thumb/67415780/Samayam Telugu.jpg?width=540&height=405&resizemode=75)
కపాలబాతి ప్రాణాయమం రక్త ప్రసరణను మెరుగుపరుస్తుంది. ఆక్సిజన్ను పెంచుతుంది. ఊపిరితిత్తులను బలపరుస్తుంది. కపాలబాతి అభ్యాసం చేయడానికి నాభి వరకూ లోపలకు గట్టిగా గాలి పీల్చాలి. తరువాత వేగంగా ముక్కుద్వారా గాలిని బయటకు వదలాలి. అత్యంత వేగంగా గాలిని వదిలేసే ఈ పద్ధతిని ఒక రౌండ్కు 20-30 సార్లు చేయాలి. రోజులు గడిచే కొద్దీ ఈ కౌంట్ పెంచుకోవచ్చు.
అనులోమ – విలోమ..
![అనులోమ - విలోమ..](https://static.langimg.com/thumb/67415780/Samayam Telugu.jpg?width=540&height=405&resizemode=75)
అనులోమ – విలోమ నాసికా భాగాలను క్లియర్ చేస్తుంది. ఆక్సిజన్ను పెంచుతుంది. మైండ్ రిలాక్స్గా ఉండటానికి సహాయపడుతుంది. అనులోమ – విలోమ అభ్యాసం చేయడానికి సుఖాసనంలో కూర్చోవాలి. కళ్లు మూసుకొని ముక్కు కుడి రంధ్రాన్ని కుడి బొటనవేలితో మూయాలి. ఎడమ రంధ్రంతో నెమ్మదిగా శ్వాస తీసుకోవాలి. ఇప్పుడు మధ్యవేలితో ముక్కు ఎడమ రంధ్రాన్ని మూసి, కుడి రంధ్రంతో శ్వాస వదలాలి. అదే రంధ్రంతో శ్వాస తీసుకొని.. కుడి బొటన వేలితో కుడి రంధ్రాన్ని మూసి ఎడమ రంధ్రంతో శ్వాస వదలాలి. తర్వాత దీన్ని తారుమారు చేయాలి. అంటే కుడి రంధ్రంతో శ్వాస తీసుకొని, ఎడమ రంధ్రంతో వదలాలి. అదే రంధ్రంతో శ్వాస తీసుకొని, కుడి రంధ్రంతో వదలాలి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
[ad_2]
Source link