లివర్‌కి ప్రాబ్లమ్ ఉంటే ఈ లక్షణాలు ఉంటాయి.. జాగ్రత్త..

​లివర్ చేసే పనులు..​

శరీరంలోని విష పదార్థాలను బయటికి పంపడంతో పాటు అనేక పనులు చేస్తుంది కాలేయం. కొవ్వులు, ప్రోటీన్స్, కార్బోహైడ్రేట్స్‌ని జీవక్రియ చేసి, గ్లైకోజెన్, విటమిన్స్‌, ఖనిజాలను నిల్వ చేస్తుంది. శరీరంలో ఎన్నో పనులని లివర్ చేస్తుంది. అందుకే, ఎప్పటికప్పుడు ఈ లివర్‌ని కాపాడుకోవాల్సిన అవసరం ఎంతైనా ఉంది. లివర్‌కి వచ్చే సమస్యల్లో ఫ్యాటీ లివర్ ఒకటి. లివర్‌లో కొవ్వు పేరుకుపోయినప్పుడు ఇది వస్తుంది.

​ఫ్యాటీ లివర్ రకాలు..

ఫ్యాటీ లివర్ రెండు రకాలుగా ఉంటుంది. అందులో ఒకటి నాన్ ఆల్కహాలిక్ ఫ్యాటీ లివర్ డిసీజ్(NAFLD), ఆల్కహాలిక్ స్టీటో హెపటైటిస్ అని పిలిచే ఆల్మహాలిక్ ఫ్యాటీ లివర్ డిసీజ్. నాన్ ఆల్కహాలిక్ ఫ్యాటీ లివర్ డిసీజ్ అనేది సాధారణంగా అధికబరువు, ఊబకాయం ఉన్నవారంలో వచ్చే సమస్య. ఆల్కహాలిక్ ఫ్యాటీ లివర్ ఆల్కహాల్ ఎక్కువగా తీసుకోవడం వల్ల వస్తుంది. దీని వల్ల కాలేయంలో కొవ్వు పేరుకుపోతుంది. ఈ రెండూ సమస్యలు కూడా లివర్‌కి ఏమాత్రం మంచిది కాదు.

​లక్షణాలు..

కడుపు నొప్పి
కడుపు ఉబ్బరం
కడుపు కుడి పై భాగంలో నిండిన భావన
వికారం
ఆకలి లేకపోవడం
బరువు తగ్గడం
పొత్తికడుపు ఉబ్బడం
కాళ్ళు ఉబ్బడం
అలసట
మానసిక గందరగోళం
బలహీనత

​లివర్ ఫెయిల్యూర్..

లివర్‌కి వచ్చే సమస్యల్లో లివర్ సిర్రోసిస్ కూడా ఒకటి. ఇది కాలేయ సమస్యల్లో ప్రమాదకరమైన సమస్య. NHS ఇన్‌ఫార్మ్ ప్రకారం.. సిర్రోసిస్ నిరంత, దీర్ఘకాలిక కాలేయ దెబ్బతినడం వల్ల కాలేయంపై స్కార్స్ ఏర్పడతాయి. మచ్చలు పెరిగి కాలేయం సరిగ్గా పనిచేయదు. సిర్రోసిస్ వల్ల ఎక్కువ నష్టం జరుగుతుంది. కాలేయం పనితీరు తగ్గుతుంది. దీనినే లివర్ ఫెయిల్యూర్ అంటారని హెల్త్ బాడీ చెబుతుంది.
​Also Read : Eye Stroke : నిద్రలేవగానే ఓ కన్ను మసకగా అనిపిస్తోందా.. జాగ్రత్త..​

​సిర్రోసిస్ లక్షణాలు..​

చర్మంపై దురద

పచ్చ కామెర్లు

గాయాలు

ఎవరికొస్తుంది..

లివర్ ప్రాబ్లమ్స్ ఎవరికైనా వస్తాయి. కొంతమందికి ఈ ప్రమాదం ఎక్కువగా ఉంటుంది.

​Also Read : Summer Foods : ఈ 5 ఫుడ్స్‌ తింటే బరువు తగ్గడమే కాదు..కడుపు చల్లగా ఉంటుంది..​

​కారణాలు..

అధికబరువు

టైప్ 2 డయాబెటిస్
మెటబాలిక్ సిండ్రోమ్ ఉన్నవారికి
మందులు తీసుకునే వారికి
ఆల్కహాల్ తీసుకునేవారికి
పొగత్రాగే వారికి
కొవ్వు ఎక్కువగా తీసుకునే వారు
ప్రాసెస్డ్ ఫుడ్ తినేవారికి
ఇలాంటి వారికి ప్రమాదం ఎక్కువగా ఉంటుంది.

తీసుకోవాల్సిన జాగ్రత్తలు..

మాయో క్లినిక్ ప్రకారం, పండ్లు, కూరగాయలు, హోల్ గ్రెయిన్స్, హెల్దీ ఫ్యాట్ ఫుడ్స్ తీసుకోవడం చాలా ముఖ్యం. అదే విధంగా సరైన బరువు ఉండేలా చూసుకోండి. దీంతో వర్కౌట్ చేయడం మరువొద్దు.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

Read More : Relationship News and Telugu New