[ad_1]

<p><strong>SBI Chocolate Scheme:</strong> బ్యాంకుల నుంచి అప్పు తీసుకున్న వాళ్లలో కొందరు సకాలంలో తిరిగి చెల్లించరు. పరిస్థితులు బాగాలేక ఈఎంఐలు కట్టలేని వాళ్లు కొందరు, కావాలని ఎగ్గొట్టే వాళ్లు మరికొందరు. ఈ తరహా వ్యక్తుల నుంచి వసూళ్లు చేపట్టడం బ్యాంకులకు బ్రహ్మ విద్య లాంటిది. డిఫాల్టర్ల నుంచి డబ్బులు రాబట్టుకోవడానికి బ్యాంకులు నిరంతరం అన్ని రకాల ప్రయత్నాలు చేస్తూనే ఉంటాయి.</p>
<p>దేశంలోనే అతి పెద్ద ప్రభుత్వ రంగ బ్యాంక్&zwnj; స్టేట్&zwnj; బ్యాంక్ ఆఫ్&zwnj; ఇండియా కూడా, రుణాల రికవరీ కోసం ఒక ప్రత్యేక పథకాన్ని (SBI Special scheme to recover EMIs) తీసుకొచ్చింది. నెలవారీ చెల్లింపులను (EMIs) సకాలంలో కట్టలేకపోతున్న, ఎగ్గొడుతున్న వాళ్లను దృష్టిలో పెట్టుకుని ఆ స్కీమ్&zwnj;ను డిజైన్&zwnj; చేసింది. &nbsp;</p>
<p><span style="color: #e67e23;"><strong>డిఫాల్టర్లకు చాక్లెట్లు అందుతాయి</strong></span><br />స్టేట్ బ్యాంక్ ఆఫ్ ఇండియా స్టార్ట్&zwnj; చేసిన కొత్త పథకం వినూత్నంగా ఉంది. బారోవర్&zwnj;/రుణగ్రహీత సకాలంలో చెల్లింపులు చేయడం లేదని బ్యాంకు భావిస్తే, అతని ఇంటికి చాక్లెట్లను &zwj;&zwnj;(SBI Chocolate Scheme) పంపుతుంది. EMI చెల్లించకుండా, బ్యాంక్ రిమైండర్ కాల్స్&zwnj;కు కూడా స్పందించని కస్టమర్లను ఈ స్కీమ్&zwnj; టార్గెట్&zwnj; చేస్తుంది. నిర్దిష్ట చెల్లింపులు చేయకూడదని ప్లాన్ చేస్తున్నారని అనుమానం ఉన్న కస్టమర్లను కూడా టార్గెటెడ్&zwnj; పర్సన్స్&zwnj; లిస్ట్&zwnj;లోకి చేర్చింది. అలాంటి వాళ్ల ఇంటి వద్దకు నేరుగా వెళ్లి చాక్లెట్ ఇవ్వడం ద్వారా, బ్యాంక్&zwnj; లోన్&zwnj; తిరిగి చెల్లించమని బ్యాంకు వారికి గుర్తు చేస్తుంది.</p>
<p><span style="color: #e67e23;"><strong>పెరిగిన డిఫాల్ట్&zwnj; కేసులు&nbsp;</strong></span><br />బ్యాంకింగ్&zwnj; ఇండస్ట్రీలో ఈ మధ్యకాలంలో రిటైల్ రుణాలు విపరీతంగా పెరిగాయి. ఈ నేపథ్యంలో ఈ స్కీమ్&zwnj; రావడం విశేషం. రిటైల్ రుణాల పెరుగుదలతో, నెలవారీ EMI డిఫాల్ట్ కేసులు కూడా పెరిగాయి. లోన్&zwnj; అమౌంట్&zwnj; వసూళ్ల కోసం దేశంలోని అన్ని బ్యాంకులు చాలా పథకాలు, ప్రచారాలను నడుపుతున్నాయి. SBI చాక్లెట్ స్కీమ్&zwnj; కూడా మెరుగైన రికవరీ కోసం స్టార్ట్&zwnj; అయింది.</p>
<p><span style="color: #e67e23;"><strong>పెరిగిన బ్యాంక్&zwnj; రిటైల్ రుణాలు</strong></span><br />SBI విషయానికి వస్తే… 2023 జూన్&zwnj; త్రైమాసికంలో (ఏప్రిల్&zwnj;-జూన్&zwnj; కాలం) రిటైల్ రుణాలు రూ.12,04,279 కోట్లకు పెరిగాయి. సరిగ్గా ఏడాది క్రితం, 2022 జూన్ త్రైమాసికంలో ఇవి రూ.10,34,111 కోట్లుగా ఉన్నాయి. ఈ విధంగా చూస్తే ఒక్క ఏడాదిలో బ్యాంకు రిటైల్ రుణాలు 16.46 శాతం పెరిగాయి. 2023 జూన్&zwnj; నెలలో SBI మొత్తం రుణం రూ. 33,03,731 కోట్లు. ఇప్పుడు, బ్యాంక్&zwnj; లోన్ బుక్&zwnj;లో రిటైల్ రుణాలది అత్యధిక వాటాగా మారింది.</p>
<p><span style="color: #e67e23;"><strong>ప్రయోగాత్మకంగా చేపట్టిన బ్యాంక్&zwnj;</strong></span><br />చాక్లెట్&zwnj; స్కీమ్&zwnj; ప్రచారం ఇంకా పైలట్ దశలోనే ఉందని SBI మేనేజింగ్ డైరెక్టర్ &amp; రిస్క్, కంప్లైయన్స్, స్ట్రెస్&zwnj;డ్ అసెట్స్ ఇన్&zwnj;ఛార్జ్ అశ్విని కుమార్ తివారీ చెప్పారు. SBI దీనిని 10-15 రోజుల క్రితమే ప్రారంభించింది, ప్రారంభ స్పందన చాలా బాగుందని తెలుస్తోంది. చాక్లెట్&zwnj; ఇచ్చి లోన్&zwnj; వసూలు చేసే వినూత్న ప్రచారం కారణంగా రికవరీ మెరుగుపడుతోంది. ప్రయోగాత్మక దశలో మంచి ఫలితాలు వస్తే దేశవ్యాప్తంగా దీనిని అమలు చేయవచ్చని అశ్విని కుమార్ వెల్లడించారు.</p>
<p><strong>మరో ఆసక్తికర కథనం: <a title="తెలుగు రాష్ట్రాల్లో మారిన పెట్రోల్&zwnj;, డీజిల్&zwnj; ధరలు – ఈ రోజు రేట్లు ఇవి" href="https://telugu.abplive.com/business/petrol-diesel-price-today-18-september-2023-know-rates-fuel-price-in-your-city-telangana-andhra-pradesh-amaravati-hyderabad-117185" target="_self">తెలుగు రాష్ట్రాల్లో మారిన పెట్రోల్&zwnj;, డీజిల్&zwnj; ధరలు – ఈ రోజు రేట్లు ఇవి</a></strong></p>
<p><strong>Join Us on Telegram:&nbsp;<a href="https://t.me/abpdesamofficial" rel="nofollow">https://t.me/abpdesamofficial</a></strong></p>

[ad_2]

Source link