ఈ పని పూర్తి చేస్తేనే మీరు ITR ఫైల్ చేయగలరు, లేదంటే అంతే సంగతులు!

[ad_1]

PAN Aadhaar Linking: ఏప్రిల్ 1, 2023 నుంచి కొత్త ఆర్థిక సంవత్సరం (Financial Year 2023-24) ప్రారంభం అవుతుంది. కొత్త ఆర్థిక సంవత్సరం ప్రారంభానికి ముందే, అంటే మార్చి 31 నాటికి పూర్తి చేయాల్సిన ముఖ్యమైన ఆర్థిక సంబంధ పనులు కూడా ఉన్నాయి. ఈ నెలాఖరులోగా ఆయా పనులను పూర్తి చేయకపోతే నష్టాన్ని భరించాల్సి వస్తుంది.

ఆర్థిక సంబంధ పనులను పూర్తి చేయాలని ఆదాయపు పన్ను విభాగం (Income Tax Department), పన్ను చెల్లింపుదార్లకు పదేపదే హెచ్చరికలు జారీ చేస్తోంది. ఆ పనుల్లో ఆధార్‌ నంబర్‌ – పాన్‌ అనుసంధానం (PAN Aadhaar Link) ఒకటి. మీరు ఇంకా మీ పాన్ – ఆధార్ లింక్ చేయకుంటే, ఈ రోజే ఈ పనిని పూర్తి చేయండి.

మరోమారు ట్వీట్‌ చేసిన ఆదాయ పన్ను విభాగం
మార్చి 31, 2023లోపు పాన్‌ & ఆధార్‌ని లింక్ చేయడంలో విఫలమైతే, ఏప్రిల్ 1 నుంచి మీ పాన్‌ నిష్క్రియంగా (inoperative) మారుతుంది. ఇలాంటి పరిస్థితి వస్తే, పాన్‌ ద్వారా సమకూరే కొన్ని ప్రయోజనాలను మీరు కోల్పోతారు.

“మీ పాన్ – ఆధార్ లింక్ చేయడానికి చివరి తేదీ దగ్గర పడింది. ఐటీ చట్టం 1961 ప్రకారం, మినహాయింపు లేని పాన్ హోల్డర్లందరూ 31.03.2023 లోపు పాన్ – ఆధార్‌ను లింక్ చేయడం తప్పనిసరి. అలా చేయని పక్షంలో, 1.04.2023న మీ పాన్‌ నిష్క్రియంగా మారుతుంది. దయచేసి ఈ రోజే లింక్ చేయండి” అంటూ ఆదాయపు పన్ను విభాగం ట్వీట్ చేసింది.

Last date to link your PAN & Aadhaar is approaching soon!
As per IT Act,1961, it is mandatory for all PAN holders, who do not fall under the exempt category, to link their PAN with Aadhaar before 31.3.23. From 1.4.23, the unlinked PAN shall become inoperative.
Please link today! pic.twitter.com/aB1W4nA7G9

— Income Tax India (@IncomeTaxIndia) March 18, 2023

2023 మార్చి 31వ తేదీ లోపు పాన్‌-ఆధార్‌ లింక్‌ చేయాలంటే కేవలం రూ. 1,000 జరిమానా చెల్లిస్తే సరిపోతుంది. మార్చి 31 గడువు దాటిన తర్వాత, అంటే ఏప్రిల్‌ 1వ తేదీ నుంచి ఈ పని చేయాలంటే రూ. 10,000 జరిమానా చెల్లించాల్సి ఉంటుంది.

పాన్ & ఆధార్ లింక్ చేయడం ఎలా?
పాన్ – ఆధార్‌ను లింక్ చేయడానికి ఆదాయపు పన్ను శాఖ అధికారిక వెబ్‌సైట్ https://www.incometax.gov.in/iec/foportal/ ని సందర్శించండి.
Home బటన్‌ కింద Quick Links విభాగం మీకు కనిపిస్తుంది,
ఆ విభాగంలో ఉన్న Link Aadhaar మీద క్లిక్‌ చేయండి
కొత్త విండో ఓపెన్‌ అవుతుంది, ఆ విండోలో మీ పాన్‌, ఆధార్‌ వివరాలు నమోదు చేయండి.
ఆ తర్వాత, కింద కనిపించే Validate బటన్‌ మీద క్లిక్‌ చేయండి
మీ రిజిస్టర్డ్ మొబైల్ నంబర్‌కు OTP వస్తుంది, దానిని నమోదు చేసి సమర్పించండి.
జరిమానా చెల్లించిన తర్వాత, మీ పాన్ ఆధార్‌ నంబర్‌తో లింక్ అవుతుంది

[ad_2]

Source link