40 దాటాక మహిళలకి వచ్చే ఆరోగ్య సమస్యలు

[ad_1]

40 ఏళ్ళ తర్వాత ఆడవారికి ఎన్నో సమస్యలు వస్తాయి. వయసు పెరగడం, సరైన లైఫ్‌స్టైల్ లేని కారణంగా ఇతర కారకాల ప్రభావాలతో ఆరోగ్య సమస్యలు వస్తాయి. 40 ఏళ్ళలో సాధారణంగా ఆడవారికి మెనోపాజ్ సమస్య వస్తుంది. దీంతో పాటు అనేక ఆరోగ్య సమస్యలు కూడా వస్తాయి. సాధారణంగా మహిళలు 40 ఏళ్లు వచ్చేసరికి చాలా జాగ్రత్తగా ఉండాలి. అయితే, వచ్చే సమస్యల గురించి కొన్ని లక్షణాలు కనిపిస్తాయి. అవేంటో చూద్దాం.

గుండె సమస్యలు..

వయసు పెరగడం కారణంగా ఆడవారిలో గుండె సమస్యలు వస్తాయి. ఇది ఆడవారిలో ప్రాణాంతకమైన సమస్య. దీని గురించి ముందు నుంచి జాగ్రత్తగా ఉండాలి. వాటి లక్షణాలు గురించి తెలుసుకోవాలి. సరైన ఆహారం తీసుకోకపోవడం, పొగత్రాగడం వంటి ఇతర కారణాల వల్ల గుండె సమస్యలు వచ్చే అవకాశం పెరుగుతుంది.

అధికబరువు..

కొన్ని సంవత్సరాల క్రితం అధికబరువు అనేది వయసు వల్ల వచ్చే సమస్యే. కానీ, నేడు ఈ సమస్య కారణంగా ఇతర ఆరోగ్య సమస్యలు కూడా వస్తున్నాయి. దీంతో ఓ వయస్సులో బాడీ మాస్ ఇండెక్స్‌పై దృష్టి పెట్టాలని చెబుతున్నారు నిపుణులు. 40 ఏళ్ళ తర్వాత హార్మోన్ల మార్పులు కారణంగా త్వరగా బరువు తగ్గరు. పెరుగుతుంటారు. కాబట్టి, ఈ సమస్య కూడా వస్తుంది.

బ్రెస్ట్ క్యాన్సర్..

సాధారణంగా 30 నుంచి 40 ఏళ్ళ వయసులో ఆడవారికి బ్రెస్ట్ క్యాన్సర్ వంటి సమస్యలు వస్తాయి. సరైన ఆహార నియమాలు లేకపోవడం, జీవనశైలి సరిగ్గా లేని కారణంగా బ్రెస్ట్ క్యాన్సర్ సమస్య వస్తుంది. రెగ్యులర్‌ బ్రెస్ట్ క్యాన్సర్‌ గురించి చెకప్స్ చేసుకోవడం, డాక్టర్‌ని కలిసి సలహాలు, సూచనలు పాటించడం వల్ల బ్రెస్ట్ క్యాన్సర్‌ని దూరం చేసుకోవచ్చు.

హైబీపి..

గుండెనొప్పి, హార్ట్ ఫెయిల్యూర్, స్ట్రోక్ వంటి సమస్యల్లానే హైబీపి కూడా వస్తుంది. సరైన లైఫ్ స్టైల్ లేని కారణంగా ఈ సమస్య వస్తుంది. దీనిని ఎప్పటికప్పుడు కనిపెట్టుకుంటూ ఉండాలని చెబుతున్నారు నిపుణులు.
Also Read : Water Bottles : వాటర్ బాటిల్స్‌లో నీరు తాగుతున్నారా.. ఇలా చేయకపోతే డేంజర్..

విటమిన్ డి లోపం..

విటమిన్ డి అనేది మహిళలకి చాలా ముఖ్యం. దీని వల్ల చాలా ఆరోగ్య సమస్యలు దూరమవుతాయి. అయితే, వయసు పెరిగే కొద్దీ, ముఖ్యంగా 40 ఏళ్ళు దాటాక విటమిన్ డి లోపం ఎదురవుతుంది. దీని వల్ల ఆస్టియోపోరోసిస్, సీజనల్ వారీగా ఆరోగ్య సమస్యలు వస్తాయి.
Also Read : Honey For Diabetes : తేనె తీసుకుంటే షుగర్ వ్యాధి కంట్రోల్ అవుతుందా..

మూత్రాన్ని ఆపుకోలేక పోవడం..

యూరిన్‌ని కంట్రోల్ చేయలేకపోవడం కూడా సమస్యే. వయసు పెరగడంతో మూత్రాశయం పని చేయడంలో సాయపడే నరాలు బలహీనమవుతాయి. అదే విధంగా, మూత్రాశయ కండరాలు ఎలస్టిసిటీని కోల్పోతాయి. ఇది మూత్రాశయాన్ని వదులుగా మారుతుంది. దీంతో నియంత్రణ ఉండదు. దగ్గినప్పుడు, తుమ్మినప్పుడు మూత్రం లీక్ అవుతుంది.

ఆస్టియోపోరోసిస్..

40 సంవత్సరాల తర్వాత ఎముకల్లో బలం తగ్గుతుంది. మారుతున్న హార్మోన్ల కారణంగా శరీరంలో అనేక మార్పులు వస్తాయి. ఎముకల ఆరోగ్యంగా ఉండేందుకు మహిళలు కాల్షియం, విటమిన్ డి స్థాయిలు సరిగ్గా ఉండేలా చూసుకోవాలి. కీళ్ళలో దీర్ఘకాలిక నొప్పులు, పెళుసుగా మారడం వంటి సమస్యలు ఉంటాయి.

డయాబెటిస్..

నేడు డయాబెటిస్ అనేది ప్రతి ఒక్కరికీ కామన్ అయినప్పటికీ, 40 ఏళ్ళ తర్వాత మహిళలకి ఎక్కువగా వస్తుంది. దీని వల్ల

అలసట
విపరీతంగా దాహం
ఎక్కువసార్లు మూత్ర విసర్జన
చూపు మందంగించడం
బరువు తగ్గడం
దంత సమస్యలు ఉంటాయి.

ఆర్థరైటిస్..

లో డెన్సిటీ కారణంగా వచ్చే సమస్యే ఆర్థరైటిస్. ఇది 40 ఏళ్ళు దాటాక వచ్చే సమస్యల్లో ఒకటి. ఎముకల్లో సాంద్రత తగ్గడంతో కీళ్ళలో నొప్పి, గట్టిగా మారడం వంటి సమస్యలు ఎదురవుతాయి.

కిడ్నీ స్టోన్స్..

కిడ్నీ స్టోన్స్ అంటే రాళ్ళు వచ్చినట్లు కాదు. మూత్రనాళంలోని ఖనిజాల నిక్షేపణనే రాళ్ళు అంటారు. నిజానికి ఇవి చాలా ఇబ్బందికర సమస్య. వయసు పెరిగేకొద్దీ ఈ సమస్య పెరుగుతుంది. ఇతర కారణాలతో కూడా మూత్రపిండాల్లో రాళ్ళు ఏర్పడతాయి. ఆడవారిలో ఈ సమస్య వస్తే కొన్ని లక్షణాలు ఉంటాయి. అవి..

వెన్ను నొప్పి
మూత్రంలో రక్తం
జ్వరం
చలి
వాంతులు
మూత్రంలో దుర్వాసన
మూత్రవిసర్జన సమయంలో మంట

ఇవన్నీ కూడా కిడ్నీల్లో స్టోన్స్ ఉంటే కనిపించే లక్షణాలు.

చివరిగా..

ఇవన్నీ కూడా వయసు పెరగడం వల్ల వచ్చే సమస్యలు. వీటి నుంచి మనల్ని మనం కాపాడుకోవాలంటే ముందు నుంచి జాగ్రత్తగా ఉండాలి. ఎప్పటికప్పుడు హెల్త్ చెకప్స్ చేసుకోవాలి. సరైన ఫుడ్, లైఫ్‌స్టైల్‌ని పాటించాలని చెబుతున్నారు నిపుణులు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

Read More : Relationship News and Telugu New

[ad_2]

Source link