[ad_1]
చంద్రుడిపై ఒక పగలు అంటే భూమిపై 14 రోజులకు సమానం. అదే రాత్రి అయితే కూడా 14 రోజులకు సమానం. అయితే చంద్రుడిపై పరిశోధనలు జరిపేందుకు.. ల్యాండర్, రోవర్లు సూర్యుడి కాంతిని ఉపయోగించుకుని 14 రోజుల పగటి వేళ.. జాబిల్లి ఉపరితలంపై తిరుగుతూ అధ్యయనం చేస్తున్నాయి. ఈ క్రమంలోనే 14 రోజుల పగలు పూర్తవుతున్న నేపథ్యంలో చంద్రుడి ఉపరితలాన్ని చీకటి ముంచేయనుంది. ఈ నేపథ్యంలోనే విక్రమ్ ల్యాండర్, ప్రజ్ఞాన్ రోవర్.. స్లీప్ మోడ్‌లోకి వెళ్లనున్నాయి. ఈ స్లీప్ మోడ్ ప్రక్రియ కోసం ఇస్రో సన్నాహాలు చేస్తోంది. ఈ 14 రోజుల పగలు పూర్తయిన తర్వాత వచ్చే 14 రోజుల రాత్రి దాటితే ఆ తర్వాత మళ్లీ వెలుతురు వస్తే అప్పుడు ల్యాండర్, రోవర్ పనిచేస్తాయా అనేది తీవ్ర ఉత్కంఠగా మారుతోంది. అయితే రాత్రి పూర్తయిన తర్వాత మళ్లీ పగలు వస్తే ల్యాండర్, రోవర్లు పని చేసే అవకాశాలు ఉన్నాయని ఇప్పటికే ఇస్రో తెలిపింది.
ఆదిత్య ఎల్1ను శనివారం విజయవంతంగా ప్రయోగించిన తర్వాత ఇస్రో చీఫ్ ఎస్ సోమ్‌నాథ్.. చంద్రయాన్ 3 ప్రయోగం గురించి మాట్లాడారు. చంద్రయాన్ 3 మిషన్‌కు నిర్దేశించిన 14 రోజుల గడువు పూర్తి కాబోతోందని.. చంద్రుని ఉపరితలంపై పగటి సమయం ముగియబోతోందని పేర్కొన్నారు. కాబట్టి విక్రమ్ ల్యాండర్, ప్రజ్ఞాన్ రోవర్‌లను స్లీప్ మోడ్‌లోకి పంపించేందుకు సన్నాహాలు చేస్తున్నట్లు వివరించారు. ల్యాండర్, రోవర్ ఇప్పటికీ పని చేసే స్థితిలోనే ఉన్నాయని.. ఆ రెండు పరికరాలు చంద్రునిపై రాత్రి సమయాన్ని తట్టుకుని తర్వాత పనిచేసేందుకు వీలుగా వాటిని స్లీప్ మోడ్‌లోకి తీసుకెళ్లేందుకు ప్రయత్నాలు ప్రారంభించినట్లు వెల్లడించారు. ఈ స్లీప్ మోడ్ ప్రక్రియ ఒకటి, రెండు రోజుల్లో పూర్తవుతుందని తెలిపారు. విక్రమ్ ల్యాండర్ నుంచి బయటికి వచ్చిన ప్రజ్ఞాన్ రోవర్.. సుమారు 101.4 మీటర్ల దూరం వరకు వెళ్లినట్లు తాజాగా ఇస్రో ప్రకటించింది.
Chandrayaan 3 success: మసాలా దోశ, ఫిల్టర్ కాఫీ.. చంద్రయాన్ 3 విజయం వెనుక కారణం ఇవే!
ISRO: ఇస్రో ప్రయోగించిన ఆదిత్య ఎల్1 సూర్యుడిపై దిగుతుందా.. అసలు ఏం చేస్తుంది?
Read More Latest Science & Technology News And Telugu News
[ad_2]
Source link
Leave a Reply