అరటిపండ్లు..

అరటిపండులో పొటాషియం, మెగ్నీషియం, ఐరన్‌, విటమిన్-ఎ, బి, సి, విటమిన్ బి6 వంటి పోషకాలు మెండుగా ఉంటాయి. ఇవి మన ఆరోగ్యానికి మేలు చేస్తాయి. అరటిపండులో ట్రిప్టోఫాన్ అనే అమినో యాసిడ్ పుష్కలంగా ఉంటుంది. మన శరీరం 5-HTPని ఉత్పత్తి చేయడానికి ట్రిప్టోఫాన్‌ను ఉపయోగిస్తుంది. ఇందులో సెరోటోనిన్, మెలటోనిన్ ఉంటాయి. ఈ రెండు మానసిక స్థితిన, నిద్రను మెరుగుపరుస్తాయి. నాడీ వ్యవస్థను బలోపేతం చేయడంలో సహాయపడతాయి.

బాదం..

బాదంలో ఫోలేట్, మెగ్నీషియం వంటి పోషకాలు పుష్కలంగా ఉంటాయి. సెరోటోనిన్ హార్మోన్ ఉత్పత్తిలో మెగ్నీషియం ముఖ్యమైన పాత్ర పోషిస్తుంది. ఇది మన శరీరంలో హ్యాపీ హార్మన్లు పెంచడానికి మెదడును ప్రేరేపిస్తుంది. బాదంలో విటమిన్‌ B2, E పుష్కలంగా ఉంటాయి. ఇది మన రోగనిరోధక వ్యవస్థను బలోపేతం చేయడానికి సహాయపడుతుంది.

ఏ2 మిల్క్‌..

A2 పాలు అంటే చాలా మందికి తెలియకపోవచ్చు. ఆవు పాలలో బీటా కేసైన్ అనే ప్రొటీన్ ఉంటుంది. దీనిని A1, A2 అనే రెండు వర్గాలుగా విభజిస్తారు. A2 పాలలో బీటా కాసైన్ ప్రొటీన్ అధికంగా ఉంటుంది. ఈ A2 పాలలో ట్రిప్టోఫాన్, సెరోటోనిన్ అనే హార్మోన్ ఉత్పత్తి చేసే అమినో యాసిడ్ మెండుగా ఉంటుంది. A2 పాలు తాగితే.. సెరోటోనిన్ ఉత్పత్తి పెరిగి మంచి నిద్ర, ఆరోగ్యకరమైన మానసిక స్థితి మీ సొంతం అవుతుంది. (image source – pixabay)

అనాసపండు..

అనాసపండులో ట్రిప్టోఫాన్ పుష్కలంగా ఉంటుంది, ఇది మెదడులో సెరోటోనిన్ హార్మోన్ ఉత్పత్తిని ఉత్తేజపరిచే బాధ్యత వహిస్తుంది. పైనాపిల్‌లో బ్రోమెలైన్ అనే ప్రోటీన్ మెండుగా ఉంటుంది. దీనిలో అత్యంత శక్తివంతమైన యాంటీ ఇన్ఫ్లమేటరీ గుణాలు ఉంటాయి. మీరు తరచుగా.. పైనాపిల్ పండును తీసుకుంటే సెరటోనిన్ హార్మోన్ పెరిగి, మన మనస్సును ఆనందంగా ఉంచుతుంది. ఒత్తిడి కూడా తగ్గుతుంది. (image source – pixabay)

సోయా ఉత్పుత్తులు..

సోయా పాలు, సోయా చంక్స్, సోయా బీన్స్, టోఫు వంటి సోయా ఉత్పత్తులలో ట్రిప్టోఫాన్‌లు అధికంగా ఉంటాయి. వీటిని మీ డైట్‌లో చేర్చుకుంటే.. సెరోటోనిన్ స్థాయిలు పెరుగుతాయి.

మీ రెగ్యులర్ హెల్తీ కార్బోహైడ్రేట్ డైట్‌లో ఈ ఐదు సూపర్‌ఫుడ్‌లను యాడ్‌ చేసుకోండి. ఇవి మిమ్మల్ని నిండుగా ఉంచుతాయి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.