ప్రొటీన్‌ రిచ్‌ డైట్‌తో.. షుగర్‌కు చెక్‌ పెట్టండి..!

[ad_1]

Protein Rich Foods for Diabetics: డయాబెటిస్‌ పేషెంట్స్‌ హెల్తీ లైఫ్‌స్టైల్‌ గడపడానికి.. వారి ఆహారం, పానీయాల విషయంలో చాలా కేర్‌ తీసుకోవాలని మనకి తెలుసు. వాళ్లు.. తినడం, తాగడం విషయంలో కొంచె అజాగ్రత్త వహించినా రక్తంలో చక్కెర స్థాయిలు పెరిగే ప్రమాదం ఉంది. బ్లడ్‌ షుగర్‌ లెవల్స్‌ దీర్ఘకాలికంగా.. కంట్రోల్‌లో లేకపోతే.. కిడ్నీ వ్యాధులు, నరాల సమస్యలు, కంటి సమస్యలు వంటి తీవ్రమైన ఆరోగ్య సమస్యలకు దారి తీసే ప్రమాదం ఉంది. NCBI నివేదిక ప్రకారం, డయాబెటిక్‌ పేషెంట్స్‌ ప్రోటీన్-రిచ్ ఫుడ్స్‌/ సప్లిమెంట్స్‌ తీసుకోవడం వల్ల బ్లడ్‌ షుగర్‌ నియంత్రణలో ఉంటుంది. ఇన్సులిన్ రెసిస్టెన్స్ మెరుగుపడుతుంది. అంటే ప్రొటీన్‌ మీ బ్లడ్‌ షుగర్స్‌ను అదుపులో ఉంచుతాయి.

చికెన్‌..

మీరు నాన్ వెజిటేరియన్ అయితే ప్రొటీన్ తీసుకోవడానికి చికెన్, టర్కీ మీకు బెస్ట్‌ ఆప్షన్స్‌. మేక, గొర్రె వంటి మాంసాహారంలో ప్రొటీన్లు దండిగా ఉంటాయి. అయితే వీటిల్లో కొవ్వు కూడా ఎక్కువగా ఉంటుంది కాబట్టి మితంగానే తినాలి. 85 గ్రాముల మాంసం ద్వారా 21 గ్రాముల ప్రొటీన్ లభిస్తుంది. అలాగే చర్మం తీసేసిన కోడి మాంసం తీసుకోవడం మంచిది.

చేపలు

వీటిల్లో ప్రొటీన్లతో పాటు గుండెకు మేలు చేసే ఒమేగా 3 కొవ్వు ఆమ్లాలూ ఎక్కువగానే ఉంటాయి. ట్యూనా, సాల్మన్, సార్‌డైన్, ట్రాట్ వంటి చేపల్లోనూ ప్రొటీన్ ఎక్కువగానే ఉంటుంది. సుమారు 115 గ్రాముల చొప్పున వారానికి కనీసం రెండుసార్లు ఫిష్ తినడం మంచిది.

గుడ్లు..

ఇక ఒక కోడిగుడ్డులో 6 గ్రాముల ప్రొటీన్ ఉంటుంది. కానీ కొలెస్ట్రాల్ ఎక్కువగా ఉన్నవారు, గుండెజబ్బు, డయాబెటిస్‌ ఉంటే.. డాక్టర్ల సలహా మేరకే ఎన్ని గుడ్లను తినొచ్చో నిర్ణయించుకోవాలి.

సోయాబీన్స్

సోయాబీన్స్‌లో ప్రొటీన్ సమృద్ధిగా ఉంటుంది. వీటిని సోయా పాలు, సోయా పేస్ట్, టోఫూ రూపంలోనూ తీసుకోవచ్చు. మామూలు పాలలో మాదిరిగానే సోయా పాలలోనూ ప్రొటీన్ ఉంటుంది.

డైరీ ఉత్పత్తులు..

ప్రొటీన్లు పాల పదార్థాల్లో పుష్కలంగా ఉంటాయి. వెన్న తీసిన పాలు ఒక గ్లాసు తాగితే 8 గ్రాముల ప్రొటీన్ లభిస్తుంది. పూర్తిగా కొవ్వు తీసేసిన లేదా తక్కువ కొవ్వు ఉండే పాల పదార్థాలను తీసుకోవాలి. పెరుగు, పనీర్, గ్రీక్ యోగర్ట్, కాటేజ్ చీజ్‌లో ప్రొటీన్లు పుష్కలంగా ఉంటాయి. పనీర్‌లో సంతృప్త కొవ్వు ఉంటుంది. ఇది తింటే రక్తంలో చక్కెర నియంత్రణలో ఉంటుంది.

కూరగాయలు, చిక్కుళ్లు..

బఠాణీలు, రాజ్మా, బీన్స్, చిక్కుళ్లు, ఇతర కూరగాయల్లోనూ ప్రొటీన్ ఉంటుంది. ఒక కప్పు రాజ్మాతో 18 గ్రాములు, బఠాణీలతో 9 గ్రాముల ప్రొటీన్ లభిస్తుంది. ఒక మాదిరి బంగాళాదుంపలో 4 గ్రాముల ప్రొటీన్ ఉంటుంది.

నట్స్‌..

రోజూ క్రమం తప్పుకుండా నట్స్‌ తీసుకుంటే.. ప్రొటీన్‌ పుష్కలంగా లభిస్తుంది. మీ ఆహారంలో బాదం, వాల్‌నట్‌లు, ఎండుద్రాక్ష, జీడిపప్పు , పిస్తా వంటివి తీసుకోండి. ఇవి నానబెట్టి తింటే మంచిది. అయితే నట్స్‌లో క్యాలరీలు కూడా ఎక్కువగానే ఉంటాయి కాబట్టి మితంగానే తీసుకోవాలి.

[ad_2]

Source link